«Челси» Премьер Лига 16-тури доирасида 28 декабрь куни «Астон Вилла»га қарши кечган баҳсда 1:1 ҳисобида дуранг ўйнади.
Фрэнк Лэмпард жамоаси чемпионатнинг 16 турида 26 очко тўплади. Лондонлик клуби 2003 йилда Роман Абрамович тасарруфига ўтганидан кейин бундан ёмон старт фақат бир марта қайд этилган.
2015/16 йилги мавсумда Жозе Моуриньо қўл остидаги «Челси» 16 турдан кейин 15 очко тўплаганди. Айнан ўша 16-турдан кейин португалиялик мутахассис истеъфога чиқарилганди.
«Кўклар» Премьер Лига доирасидаги сўнгги олти ўйиннинг фақат биттасида ғалаба қозонди. Кейинги тур баҳси «Манчестер Сити»га қарши бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)