Santa-Klaus va uning chanasi Xalqaro kosmik stansiyaga tijoriy parvozlarni amalga oshirish uchun AQSh Fuqarolik aviatsiyasi federal boshqarmasining (FAA) litsenziyasini oldi, deb xabar beradi “Korrespondent.net”.
Endilikda Santa Qo‘shma Shtatlar havo makoni bo‘ylab bemalol harakatlanishi, shuningdek, yuklarni XKSga yetkazishi mumkin.
Litsenziya Rudolf raketasiga ega “Yulduzli chana-1” kemasiga berilgan.
“Kelinglar, tan olaylik, 2020-yil juda qiyin keldi va bizga faqat Santa olib kelishi mumkin bo‘lgan alohida bayram quvonchi xalaqit bermaydi”, — deyiladi FAA bayonotida.
Avvalroq Bentley Santa-Klaus uchun Flying Spur sedanining maxsus versiyasini yaratgani, Britaniyada Santa-Klausning “sehrli” rodsteri 32,3 ming dollar qiymatida sotuvga qo‘yilgani to‘g‘risida xabar berilgandi.
Izoh (0)