БААнинг Дубай шаҳрида 27 декабрь, якшанба куни Globe Soccer Awards—2020 маросими бўлиб ўтди. Унда 2020 йилнинг ва XXI асрнинг энг яхши мураббийлари аниқланди.
2020 йилнинг энг яхши мураббийи сифатида «Бавария» устози Ҳанс-Дитер Флик эътироф этилди. Германиялик мутахассис бу борада Юрген Клопп («Ливерпуль») ва Жан Пьеро Гасперинини («Аталанта») ортда қолдирди.
«Асрнинг энг яхши мураббийи» номинациясида «Манчестер Сити» устози Хосеп Гвардиола ғолиб топилди. Каталониялик мутахассис фаолияти давомида «Барселона» ва «Бавария» клубларини ҳам бошқарган.
Гвардиолага бу борада Зинедин Зидан («Реал»), Жозе Моуриньо («Тоттенҳэм») ва Алекс Фергюсон («Манчестер Юнайтед» собиқ мураббийи) каби мутахассислар рақобатчи бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)