Samarqand shahrining Gagarin ko‘chasida avtobus va Niva ishtirokida yo‘l-transport hodisasi sodir bo‘ldi, deb xabar beradi IIV YHXBB axborot xizmati.
Dastlabki ma’lumotlarga ko‘ra, 26-dekabr kuni soat 05:30 larda Gagarin va Fitrat ko‘chalari kesishmasida yo‘lovchi tashuvchi avtobus va “Niva” rusumli transport vositalari ishtirokida to‘qnashuv sodir bo‘lib, avtobus ag‘darilgan.
To‘qnashuv natijasida yo‘lovchi tashuvchi avtobus haydovchisiga birinchi tez tibbiy yordam ko‘rsatish maqsadida shifoxonaga olib ketilgan. Avtobusda yo‘lovchilar bo‘lmagan.
Mazkur hodisa yuzasidan Samarqand shahar IIB YHXB tomonidan surishtiruv ishlari olib borilib, to‘qnashuv sabablariga aniqlik kiritilmoqda.
Avvalroq Toshkentda 47-sonli yo‘nalishda harakatlanuvchi avtobus yonib ketgani, Jizzaxda Nexia bilan to‘qnashgan avtobus yo‘lga ag‘darilgani, shuningdek, Toshkentda yo‘l talashgan Mercedes va Isuzu avtobuslari bir-biriga urilib ketgani to‘g‘risida xabar berilgandi.
Izoh (0)