Самарқанд шаҳрининг Гагарин кўчасида автобус ва Нива иштирокида йўл-транспорт ҳодисаси содир бўлди, деб хабар беради ИИВ ЙҲХББ ахборот хизмати.
Дастлабки маълумотларга кўра, 26 декабрь куни соат 05:30 ларда Гагарин ва Фитрат кўчалари кесишмасида йўловчи ташувчи автобус ва «Нива» русумли транспорт воситалари иштирокида тўқнашув содир бўлиб, автобус ағдарилган.
Тўқнашув натижасида йўловчи ташувчи автобус ҳайдовчисига биринчи тез тиббий ёрдам кўрсатиш мақсадида шифохонага олиб кетилган. Автобусда йўловчилар бўлмаган.
Мазкур ҳодиса юзасидан Самарқанд шаҳар ИИБ ЙҲХБ томонидан суриштирув ишлари олиб борилиб, тўқнашув сабабларига аниқлик киритилмоқда.
Аввалроқ Тошкентда 47-сонли йўналишда ҳаракатланувчи автобус ёниб кетгани, Жиззахда Nexia билан тўқнашган автобус йўлга ағдарилгани, шунингдек, Тошкентда йўл талашган Mercedes ва Isuzu автобуслари бир-бирига урилиб кетгани тўғрисида хабар берилганди.
Изоҳ (0)