Toshkent shahar Chilonzor tumanida yashovchi, 2007-yilda tug‘ilgan Farangiz Jumaboyeva uyidan chiqib ketganidan bir oy o‘tib, Zangiota tumanida yashovchi dugonasining uyidan topildi. Bu haqda Toshkent shahar IIBB xabar berdi.
Toshkent shahar IIBBning 16-dekabr kuni bergan xabariga ko‘ra, Farangiz Jumaboyeva 2020-yilning 21-noyabr kuni uyidan chiqib, noma’lum tarafga ketgan va qaytib kelmagan. Qizning onasi uning yo‘qolgani haqida 5-dekabr kuni Chilonzor tumani ichki ishlar organlari faoliyatini muvofiqlashtirish boshqarmasiga murojaat qilgan.
Xabarda qizning belgilari, egnidagi kiyimi haqida ma’lumot berilgan hamda fuqarolardan qizni topishda yordam so‘ralgan. Shuningdek, qiz o‘zi haqida noto‘g‘ri ma’lumot berishi mumkinligi bildirib o‘tilgan.
Toshkent shahar IIBBning 23-dekabr kuni ma’lum qilishicha, Farangiz Jumaboyeva topildi. Uning holati yaxshi. Qiz Zangiota tumanidagi dugonasining uyida bo‘lgan.
Izoh (0)