Тошкент шаҳар Чилонзор туманида яшовчи, 2007 йилда туғилган Фарангиз Жумабоева уйидан чиқиб кетганидан бир ой ўтиб, Зангиота туманида яшовчи дугонасининг уйидан топилди. Бу ҳақда Тошкент шаҳар ИИББ хабар берди.
Тошкент шаҳар ИИББнинг 16 декабрь куни берган хабарига кўра, Фарангиз Жумабоева 2020 йилнинг 21 ноябрь куни уйидан чиқиб, номаълум тарафга кетган ва қайтиб келмаган. Қизнинг онаси унинг йўқолгани ҳақида 5 декабрь куни Чилонзор тумани ички ишлар органлари фаолиятини мувофиқлаштириш бошқармасига мурожаат қилган.
Хабарда қизнинг белгилари, эгнидаги кийими ҳақида маълумот берилган ҳамда фуқаролардан қизни топишда ёрдам сўралган. Шунингдек, қиз ўзи ҳақида нотўғри маълумот бериши мумкинлиги билдириб ўтилган.
Тошкент шаҳар ИИББнинг 23 декабрь куни маълум қилишича, Фарангиз Жумабоева топилди. Унинг ҳолати яхши. Қиз Зангиота туманидаги дугонасининг уйида бўлган.
Изоҳ (0)