Toshkentning Bektemir tumanida fohishalik qiluvchi ayol mijoz sifatida kelgan erkakning telefoni va 500 dollarini talon-toroj qildi. Bu haqda IIV Tergov departamenti xabar berdi.
Ma’lum bo‘lishicha, 11-dekabr kuni, taxminan, soat 23:30 da, ikki nafar noma’lum shaxs o‘zgalar mulkini talon-toroj qilish maqsadida oldindan til biriktirib, Toshkent shahar, Bektemir tumani, Compas savdo markazining orqa tarafidagi Istiqlol ko‘chasida 24 yoshli Tohirjon A.ni hayoti va sog‘lig‘i uchun xavfli bo‘lmagan zo‘rlik ishlatib, unga tegishli bo‘lgan bahosi 100 dollarlik bir dona Redmi-5 Plus rusumli telefon va 500 dollar naqd pullarini ochiqdan ochiq talon-toroj qilib, hodisa joyidan yashiringan.
Holat yuzasidan Bektemir tumani bo‘yicha IIO FMB huzuridagi Tergov bo‘limi tomonidan noma’lum shaxslarga nisbatan Jinoyat kodeksining 166-moddasi 2-qismi “a,v” bandlari (bir guruh shaxslar tomonidan oldindan til biriktirib hayot va sog‘liq uchun xavfli bo‘lmagan zo‘rlik ishlatib talonchilik sodir etish) bilan jinoyat ishi qo‘zg‘atilgan.
Olib borilgan tergov tadbirlari natijasida 17-dekabr kuni 18 yoshli Akbarxo‘ja U. 23 yoshli Umid X. va Farg‘ona viloyatida tug‘ilgan 34 yoshli Ruxsoraxon X. ushbu jinoyatni sodir etganlikda gumon qilinib ushlangan. So‘roq jarayonida aniqlanishicha, fohishalik faoliyati bilan shug‘ullanuvchi 34 yoshli Ruxsoraxon X. mijoz sifatida kelgan fuqaro Tohirjon A. bilan gaplashib turgan vaqtida, uning yonida telefon apparati va pullari borligini ko‘rib qolib, bu haqda tanishlari Umid X. va Akbarxo‘ja U.ga ma’lumot bergan. So‘ng qorong‘i va ovloq joyda Umid X. va Akbarxo‘ja U. o‘zlarining talonchilik rejasini amalga oshirgan.
Dastlabki tergov jarayonida Akbarxo‘ja U. Ruxsoraxon X. va Umid X. Jinoyat kodeksining 164-moddasi 2-qismi “a,b” bandlari (bir guruh shaxslar tomonidan oldindan til biriktirib, qurol yoki qurol sifatida foydalanish mumkin bo‘lgan boshqa narsalarni ishlatib bosqinchilik qilish) bilan ayblanuvchi tariqasida ishda ishtirok etishga jalb qilingani hamda ularga nisbatan qamoqqa olish tarzidagi, Ruxsoraxon X.ga esa munosib xulq-atvorda bo‘lish to‘g‘risidagi tilxat ehtiyot chorasi qo‘llanilgan.
Hozirda tergov harakatlari olib borilmoqda.
Mavzuga doir:
- Sergelida Gentra’ni olib qochib, uning qismlarini sotib yuborgan shaxs qo‘lga olindi
- Qo‘qonda 300 dollarini so‘mga alishtirib berishini aytib, o‘smirni aldab ketgan shaxslardan biri qo‘lga olindi
- Farg‘onada 31 yoshli erkak o‘zganing telefonini o‘g‘irlab qochdi. IIBga o‘g‘irlangan telefon qayerdaligini uning xotini aytib bergan
Izoh (0)