“Rossiya temir yo‘llari” OAJ yuk transporti tariflari darajasini pasaytirish bo‘yicha qaror qabul qildi. U qora metallar, konteynerlar, kontreylerlar hamda meva va sabzavot mahsulotlariga taalluqli, deb xabar beradi kompaniya matbuot xizmati.
2021-yilning 1-yanvaridan 31-dekabriga qadar O‘zbekiston hamda Tojikistondan Rossiyaga meva va sabzavotlarni “O‘zbekiston temir yo‘llari” va “Roxi oxani Tochikiston” DUKka tegishli refrijatorli harakatlanuvchi tarkiblarda import tashuvlariga 50 foiz chegirma amal qiladi.
Shuningdek, Rossiya—Ozarbayjon chegarasi orqali qora metallar va don mahsulotlarini tashishga ham 50 foizli chegirma o‘rnatilgan.
Bundan tashqari, 2021-yilning 1-iyulidan 31-oktabriga qadar Rossiya ichidagi “Privoljsk” va “Shimoliy Kavkaz” temiryo‘llari stansiyasidan “Kuybishevsk”, “Moskva”, “Oktyabr”, “Gorkiy”, “Sverdlov” stansiyalariga 3 ming kilometrgacha bo‘lgan temiryo‘l masofalari uchun 41 foiz chegirma amal qiladi.
Avvalroq O‘zbekiston Yevrosiyo iqtisodiy ittifoqida rasman kuzatuvchi-davlat maqomini olgani to‘g‘risida xabar berilgandi. Iqtisodiy tadqiqotlar va islohotlar markazi eksperti Muhsinjon Xolmuhamedov buning natijasida mahalliy iqtisodiyot uchun transport xarajatlari kamayishini ta’kidlagan edi.
Izoh (0)