Buxoro viloyati hokimi vazifasini bajaruvchi Botir Zaripov o‘zining o‘rinbosarlari, viloyatdagi tuman va shahar hokimlari bilan samarali ishlab keta olishiga ishonadi. Zaripov bu haqda 19-dekabr kuni viloyat aholisiga yo‘llagan murojaatnomasidan so‘ng tashkil etilgan matbuot anjumanida aytib o‘tdi, deya xabar bermoqda “Daryo” muxbiri.
Matbuot anjumanida hokimga, jumladan: “O‘rinbosarlaringiz, tuman va shahar hokimlariga qay darajada ishonasiz? Hokim lavozimida o‘zingiz xohlagandek faoliyat olib borishingiz uchun uchun ayrim kadrlarning salohiyatsizligi pand berishi mumkin, deb o‘ylaysizmi?”, mazmunida savol berilgan.
Viloyat hokimi sifatida o‘zimda ham “Kim bilan ishlayman, kim bilan Buxoro taqdirini belgilayman?” degan savol bo‘lgan. Boisi, odamlar roziligini ta’minlash, xalqni rozi qilish o‘z-o‘zidan bo‘lmaydi.Tadbirda Botir Zaripov “Daryo”da e’lon qilingan “Buxorodagi arosat mahalla: shaharga kiradi, aholisining propiskasi tumanda, elektrni esa uchinchi bir hududdan oladi” sarlavhali maqolaga ham munosabatini bildirdi. Hokim ko‘p yillardan beri o‘z yechimini kutayotgan ushbu masala bartaraf etilishini ta’kidlab, tegishli mas’ullarga topshiriq berdi.Sir emaski, ishimizning ilk kunlarida ko‘p sohalarda oqsab, hududning ijtimoiy-iqtisodiy ahvoli achinarli bo‘lib qolishiga sababchi ikkita tuman (Jondor va Buxoro tumanlari) hokimlarini vazifasidan ozod etilishi bo‘yicha taklif kiritishga majbur bo‘ldik.
Ayni kunlarda o‘rinbosarlarim ham, tuman-shahar hokimlari ham xalq bilan hamqadam, hamnafas bo‘lib ishlashga harakat qilyapti. Ular bilan ishlab ketishimga ko‘zim yetyapti. Lekin ertangi kunga javob berish uchun yana ham dadil va serg‘ayrat bo‘lish kerak.
Botir Zaripov, Buxoro viloyati hokimi vazifasini bajaruvchi
Izoh (0)