Бухоро вилояти ҳокими вазифасини бажарувчи Ботир Зарипов ўзининг ўринбосарлари, вилоятдаги туман ва шаҳар ҳокимлари билан самарали ишлаб кета олишига ишонади. Зарипов бу ҳақда 19 декабрь куни вилоят аҳолисига йўллаган мурожаатномасидан сўнг ташкил этилган матбуот анжуманида айтиб ўтди, дея хабар бермоқда «Дарё» мухбири.
Матбуот анжуманида ҳокимга, жумладан: «Ўринбосарларингиз, туман ва шаҳар ҳокимларига қай даражада ишонасиз? Ҳоким лавозимида ўзингиз хоҳлагандек фаолият олиб боришингиз учун учун айрим кадрларнинг салоҳиятсизлиги панд бериши мумкин, деб ўйлайсизми?», мазмунида савол берилган.
Вилоят ҳокими сифатида ўзимда ҳам «Ким билан ишлайман, ким билан Бухоро тақдирини белгилайман?» деган савол бўлган. Боиси, одамлар розилигини таъминлаш, халқни рози қилиш ўз-ўзидан бўлмайди.Тадбирда Ботир Зарипов «Дарё»да эълон қилинган «Бухородаги аросат маҳалла: шаҳарга киради, аҳолисининг пропискаси туманда, электрни эса учинчи бир ҳудуддан олади» сарлавҳали мақолага ҳам муносабатини билдирди. Ҳоким кўп йиллардан бери ўз ечимини кутаётган ушбу масала бартараф этилишини таъкидлаб, тегишли масъулларга топшириқ берди.Сир эмаски, ишимизнинг илк кунларида кўп соҳаларда оқсаб, ҳудуднинг ижтимоий-иқтисодий аҳволи ачинарли бўлиб қолишига сабабчи иккита туман (Жондор ва Бухоро туманлари) ҳокимларини вазифасидан озод этилиши бўйича таклиф киритишга мажбур бўлдик.
Айни кунларда ўринбосарларим ҳам, туман-шаҳар ҳокимлари ҳам халқ билан ҳамқадам, ҳамнафас бўлиб ишлашга ҳаракат қиляпти. Улар билан ишлаб кетишимга кўзим етяпти. Лекин эртанги кунга жавоб бериш учун яна ҳам дадил ва серғайрат бўлиш керак.
Ботир Зарипов, Бухоро вилояти ҳокими вазифасини бажарувчи
Изоҳ (0)