Futbol bo‘yicha Angliya Premyer Ligasining 14-turida “Arsenal” 19-dekabr, shanba kuni “Everton” maydonida mehmon bo‘ldi.
Uchrashuvning 22-daqiqasida mezbonlar Rob Holdingning avtogoli evaziga oldinga o‘tib oldi. 35-daqiqada Nikolya Pepe penaltini aniq ijro etgan holda muvozanatni tikladi.
Birinchi bo‘limning so‘nggi daqiqasida Yerri Mina mersisaydliklarning ikkinchi golini urdi. Ikkinchi bo‘limda ham maydonda teng kurash kechdi, o‘yin yakuniga borib Mikel Arteta shogirdlari faollikni oshirdi. Biroq 2:1 hisobi o‘zgarmay qoldi.
Shu tariqa Premyer Ligadagi g‘alabasiz seriyasini 7 ta o‘yinga yetkazgan “Arsenal” 14 ochko bilan 15-o‘rinda qoldi. “Everton” (26) esa ikkinchi pog‘onaga ko‘tarildi.
“Kanonirlar” keyingi turda “Chelsi”ga qarshi bahs yuritadi. Undan avval Arteta shogirdlarini Angliya Liga Kubogi doirasida “Manchester Siti”ga qarshi o‘yin kutib turibdi.
APL
14-tur bahsi
19-dekabr, shanba
“Everton” — “Arsenal” 2:1
Gollar: 1:0 – 22, avtogol Holding, 1:1 – 35, penalti Pepe, 2:1 – 45 Mina.“Everton”: Pikford, Holgeyt, Mina, Kin, Godfri, Dukure, Sigurdsson, Devis, Ivobi (Koulmen, 83), Risharlison (Kenni, 90), Kelvert-Lyuin (Tosun, 90).
“Arsenal”: Leno, Holding, Tirni, David Luiz, Meytlend-Naylz, Sebalyos, Saka, Pepe (Martinelli, 71), an-Nenni (Uillok, 64), Villian, Nketia (Lyakazett, 76).
Ogohlantirishlar: an-Nenni (15), Tirni (40), Uillok (90), Kelvert-Lyuin (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)