Атлантик-Ситида (Нью-Жерси штати) АҚШ президенти Дональд Трампга тегишли бўлган бинони портлаш ҳуқуқи аукционга қўйилди. Бу ҳақда шаҳар мэри кичик Марти Смоллага таяниб, CNN хабар берди.
«Ушбу бинони Трампнинг шаҳримиздаги ўтмишини ҳисобга олган ҳолда бузмоқдамиз. Трамп банкротлик борасидаги қонунлардан ўз мақсадида фойдаланиб, Атлантик-Ситида катта маблағ тўплади ва шаҳар аҳолисини тақдирнинг хоҳишига ташлаб қўйди», — дейди демократ-мэр.
Атлантик-Сити расмийлари аукцион орқали йиғилган пулларни шаҳардаги ўсмирларнинг профессионал таълим олиш дастурлари билан шуғулланадиган ёшлар клубига йўналтиришни ваъда қилмоқда. Клубнинг бир нечта биноси таъмирталаб аҳволда. Мэр аукцион орқали миллион доллардан кўпроқ маблағ ишлаб олишни режалаштирган.
Олдин меҳмонхона ва казино сифатида фаолият кўрсатган Trump Plaza февраль бошида, Жо Байденнинг инаугурациясидан сўнг бузилади. Аукцион ғолиби портловчи қурилмани ишга туширадиган тугмани босади.
Trump Plaza 1984 йилда очилган ва 2014 йилга қадар ишлаган. Ҳозирда ушбу бино Трампнинг ихтиёрида эмас ва ёмон аҳволдалиги сабаб уни бузиб ташлашмоқда. Ҳозирча лот 172,5 минг долларга баҳоланган.
Изоҳ (0)