Qashqadaryo viloyatidagi mahallalarning 80 foizi suyultirilgan gazdan foydalanadi. Bu haqda 16-dekabr kuni Shavkat Mirziyoyev raisligida o‘tkazilgan videoselektor yig‘ilishda ma’lum qilindi.
“Daryo” muxbirining xabar qilishicha, yig‘ilishda soha mutasaddilari va viloyat hokimlarining hisobotlari tinglanib, mavjud muammolar bo‘yicha ko‘rsatma va topshiriqlar berildi.
Tadbirda so‘zga chiqib, Prezidentga murojaat qilgan Qashqadaryo viloyati hokimi Zoyir Mirzayevning aytishicha, ayni paytda viloyat miqyosida 3 mingta gaz ballonga ehtiyoj mavjud.
“Viloyatdagi mahallalarning 80 foizi suyultirilgan gazdan foydalanadi. Kuz-qish mavsumida ushbu mahsulotga ham talab, tabiiyki, ortdi, sarfi tezlashdi. Suyultirilgan gaz yetkazish tizimimizni yo‘lga qo‘yib oldik. Lekin bizning hisob-kitobimizga ko‘ra, viloyat bo‘yicha yana 3 mingta gaz balloniga ehtiyojimiz bor.
Bundan tashqari, 22 ming tonna ko‘mir tarqatdik, yana 4 ming tonna zaxiramiz mavjud. Ammo sovuq mavsum odatdagidan bir oy oldin boshlandi va katta qismi hali oldinda, ko‘p joylarimizda bir qarich qor. Shu bois viloyatimiz aholisiga yana 6 ming tonna ko‘mir zarur. Mazkur masalalarda yordam berishingizni so‘rayman”, — dedi Mirzayev.Davlat rahbari Zoyir Mirzayev aytgan har ikki masala yechimi bo‘yicha mutasaddilarga topshiriq berdi hamda gaz ballonlarini 10 kun muddat ichida yetkazishni, viloyatni qo‘shimcha 6 ming tonna o‘rniga 10 ming tonna ko‘mir bilan ta’minlashni ta’kidladi.
Mavzuga doir: Shavkat Mirziyoyev gaz eksportini qisqartirib, aholi ehtiyojlarini qondirish bo‘yicha ko‘rsatma berganini ma’lum qildi
Mavzuga doir:
- Shavkat Mirziyoyev elektr energiyasi, tabiiy gaz va ko‘mir ta’minotida yo‘l qo‘yilayotgan noqonuniy xatti-harakatlar haqida gapirdi
- “Elektr, tabiiy va suyultirilgan gaz, issiqlik ta’minotidagi uzilishlar hamda benzin narxining oshgani aholining haqli e’tirozlariga sabab bo‘lmoqda” – Shavkat Mirziyoyev
- O‘zbekistonda bir oila uchun suyultirilgan gaz real ehtiyojga nisbatan ancha kam yetkazilayotgani ma’lum qilindi
Izoh (0)