Xorazm viloyatining Bog‘ot tumani hokimi lavozimida ishlab kelayotgan Oybek Xolboyev Urganch shahar hokimi etib tayinlandi. Bu haqda Xorazm viloyati hokimligi matbuot xizmati xabar berdi.
U bu lavozimda Urganch shahrini 2018 yil dekabridan buyon boshqarib kelgan Shuhrat Abdullayevning o‘rnini egalladi.
Bog‘ot tumani hokimi lavozimini esa Xorazm viloyati hokimligi Madaniyat va aholi dam olish boshqarmasi boshlig‘i lavozimida ishlagan Shavkat Yaxshiboyev egalladi.
Avvalroq Peshku, Jondor va Buxoro tumani hokimlari o‘zgargani, qurilish vaziri o‘rinbosari Jarqo‘rg‘on tumaniga hokim bo‘lgani, shuningdek, Surxondaryo hokimining sobiq o‘rinbosari Sherobodga hokim etib tayinlangani to‘g‘risida xabar berilgandi.
Izoh (0)