AOKAda 17-dekabr, payshanbu kuni bo‘lib o‘tgan brifingda Qishloq xo‘jaligi vazirligi axborot xizmati rahbari Nigora Xo‘jayeva tarkibida giyohvand vosita mavjud bo‘lgan texnik kannabisni iqtisodiy maqsadlarda yetishtirish qanchalik xavfli, degan savolga javob berdi.
Texnik kannabis — tarkibida 0,2 foizgacha miqdorda tetragidrokannabinol giyohvandlik moddasi mavjud bo‘lgan o‘simlik. Xovos tumanida ekilgan nav Yevropadan, ya’ni Fransiyadan keltirilgan bo‘lib, uning tarkibida giyohvand juda kam miqdorni tashkil etadi. Bu esa tirik organizmga hech qanday narkotik ta’sir ko‘rsatmaydi. Shu boisdan O‘zbekistonda yetishtiriladigan texnik kannabis o‘simligining tarkibidagi moddalar inson organizmiga umuman salbiy ta’sir ko‘rsatmaydi. O‘zbekistonda tarkibida 0,2 foizgacha miqdorda tetragidrokannabinol giyohvandlik moddasi mavjud texnik kannabis o‘simligini sanoat maqsadlarida yetishtirishga ruxsat etildi. Jumladan, bu ko‘rsatkich Xitoy va Chexiyada — 0,3 foizgacha, Italiya, Vengriya, Shvetsiya, Belgiyada 0,2 foizgacha, Rossiyada — 0,1 foizgachani tashkil etadi.Ma’lumot uchun, O‘zbekiston qishloq xo‘jaligi vazirligi va Birlashgan Arab Amirliklarining Industrial Innovation Group LLC kompaniyasi o‘rtasida imzolangan Investitsiyalar to‘g‘risida bitimga muvofiq, 181,9 million yevro investitsiyalarni jalb etish hisobiga Sirdaryo viloyatida tarkibida sellyuloza mavjud bo‘lgan texnik kannabis, zig‘ir va boshqa qishloq xo‘jaligi ekinlarini yetishtirish, xomashyoni qayta ishlab, mahsulotlar ishlab chiqarishni nazarda tutuvchi loyiha amalga oshirilmoqda.Nigora Xo‘jayeva, qishloq xo‘jaligi vazirining axborot siyosati masalalari bo‘yicha maslahatchisi, matbuot kotibi
Mavzuga oid: Buxoroda AQSh kompaniyasi bilan birgalikda kannabis yetishtirish klasteri tashkil etilishi mumkin
Izoh (0)