“Zalsburg” yarim himoyachisi Dominik Soboslai faoliyatini “Leypsig” jamoasida davom ettiradi.
Nemis klubi matbuot xizmatining ma’lum qilishicha, 20 yoshli futbolchi “Leypsig” bilan 2025-yilning yoziga qadar mo‘ljallangan shartnoma imzolagan. U yangi jamoasida 17-raqam ostida harakat qiladi.
Avvalroq transfer 25 million yevroga baholanishi aytilgandi. Vengriyalik futbolchiga “Real” va “Arsenal”dan ham qiziqish bor edi. Hatto madridliklar ustozi Zinedin Zidanning shaxsan o‘zi Soboslaini “Real”ga taklif qilgani haqida xabarlar tarqalgandi.
Soboslai “Zalsburg”dan “Leypsig”ga o‘tgan yettinchi futbolchiga aylandi. Unga qadar Dayo Upamekano, Hvan Hi Chan, Peter Gulachi, Konrad Laymer, Amadu Aydara, Marsel Zabitser kabi futbolchilar shu yo‘nalishda “Leypsig”ga yo‘l olgandi. Ma’lumot uchun, har ikki klub ham Red Bull kompaniyasiga tegishli hisoblanadi.
Vengriya terma jamoasi vakili 2020/21-yilgi mavsumda Avstriya chempionatida 11 o‘yin o‘tkazib, 4 gol va oltita golli uzatma muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)