O‘zbekistondagi kollej va texnikumlarga o‘qishga kirish uchun o‘tkazilgan imtihonlar natijalari 17-dekabr kuni ma’lum qilinadi. Bu haqda Oliy va o‘rta-maxsus ta’lim vazirligi xabar berdi.
“2020/2021-o‘quv yilida kollej va texnikumlarga o‘qishga kirish istagida bo‘lgan abituriyentlar ishtirokida o‘tkazilgan saralash imtihonlari (test sinovlari, yozma va kasbiy (ijodiy) imtihon) natijalari 2020-yil 17-dekabr kuni e’lon qilinadi”, — deyiladi vazirlik xabarida.
Abituriyentlar saralash imtihonlari natijalarini o‘zlari hujjat topshirgan ta’lim muassasalarida bilishi mumkin. Shuningdek, Davlat test markazining rasmiy veb-sayti www.dtm.uz orqali ham test sinovlari natijalari bilan tanishish mumkin bo‘ladi.
Izoh (0)