O‘zbekistonda IIVning transport vositalariga texnik xizmat ko‘rsatish va ta’mirlash ishlarini tekshirish funksiyasi bekor qilinadi

Shavkat Mirziyoyevning “Tadbirkorlik sohasida davlat nazoratining sifati va ko‘lamini tubdan takomillashtirish chora-tadbirlari to‘g‘risida”gi farmoni loyihasi e’lon qilindi.

Qaror loyihasiga ko‘ra, 2021-yil 1-martdan boshlab quyidagi funksiyalar bekor qilinishi rejalashtirilgan:

• Ichki ishlar vazirligining transport vositalariga texnik xizmat ko‘rsatish stansiyalarida transport vositalariga texnik xizmat ko‘rsatish va ta’mirlash ishlarini tekshirish;
• mahalliy davlat hokimiyati organlarining belgilangan savdo qoidalariga rioya etilishi, nazorat kassa mashinalari mavjudligi, pul tushumining bank kassalariga to‘liq va o‘z vaqtida topshirilishi ustidan nazoratni ta’minlash hamda kommunal xizmatlar to‘lovi va majburiy badallarni to‘lash bo‘yicha qarzlarni undirish to‘g‘risida da’volar bilan sudga murojaat qilishi.