Ўзбекистондаги коллеж ва техникумларга ўқишга кириш учун ўтказилган имтиҳонлар натижалари 17 декабрь куни маълум қилинади. Бу ҳақда Олий ва ўрта-махсус таълим вазирлиги хабар берди.
«2020/2021-ўқув йилида коллеж ва техникумларга ўқишга кириш истагида бўлган абитуриентлар иштирокида ўтказилган саралаш имтиҳонлари (тест синовлари, ёзма ва касбий (ижодий) имтиҳон) натижалари 2020 йил 17 декабрь куни эълон қилинади», — дейилади вазирлик хабарида.
Абитуриентлар саралаш имтиҳонлари натижаларини ўзлари ҳужжат топширган таълим муассасаларида билиши мумкин. Шунингдек, Давлат тест марказининг расмий веб-сайти www.dtm.uz орқали ҳам тест синовлари натижалари билан танишиш мумкин бўлади.
Изоҳ (0)