Futbol bo‘yicha Italiya A Seriyasining 11-turida “Jenoa” 13-dekabr, yakshanba kuni “Yuventus”ni qabul qildi.
Uchrashuv kutilganidek mehmonlarning faolligida boshlandi. Biroq turinliklar birinchi bo‘limda genuyaliklar himoyada ishonchli harakat qilgan holda, raqibga deyarli imkoniyat bermadi.
Ikkinchi bo‘lim debyutida Paulo Dibala jarima maydoniga yorib kirgan holda darvozaga aniq zarba berdi va hisobni ochdi. Bunga maydon egalari ko‘p o‘tmay javob qaytardi: 61-daqiqada Stefano Sturaro muvozanatni tikladi.
78-daqiqada Krishtianu Ronaldu penaltini golga aylantirdi. Uchrashuv yakunlanishi arafasida mehmonlar yana penalti ishlab oldi, 11 metrlik jarima zarbasidan portugaliyalik futbolchi yana muvaffaqiyatli foydalandi.
O‘zbekistonlik hujumchi Eldor Shomurodov uchrashuvning 73-daqiqasida zaxiradan maydonga tushdi.
Shu tariqa “Yuventus” ochkolarini 23 taga yetkazib olgan holda 3-o‘ringa ko‘tarildi. “Jenoa” (6) esa 19-pog‘onada qolmoqda.
“Jenoa” keyingi turda “Milan”ga qarshi bahs olib boradi. Ushbu bahs 16-dekabr kuniga mo‘ljallangan.
A Seriya
11-tur bahsi
13-dekabr, yakshanba
“Jenoa” — “Yuventus” 1:3
Gollar: 0:1 – 57 Dibala, 1:1 – 61 Sturaro, 1:2 – 78, penalti Ronaldu, 1:3 – 89, penalti Ronaldu.“Jenoa”: Perin, Masyello, Goldaniga, Bani, Pellegrini, Rovella (Pandev, 82), Lerager, Radovanovich (Kaso, 82), Sturaro (Behrami, 66), Pyatsa (Shomurodov, 73), Skamakka (Destro, 66).
“Yuventus”: Shensni, de Ligt (Dregushin, 90), Bonuchchi, Aleks Sandro, Bentankur, Kuadrado, Rabo (Morata, 67), Makkenni, Kyeza (Bernardeski, 84), Ronaldu, Dibala (Kulusevski, 83).
Ogohlantirishlar: Rabyo (2), Goldaniga (15), Makkenni (77), Bentankur (83), Perin (88), Bani (90).
Izoh (0)