Futbol bo‘yicha Angliya Premyer Ligasining 12-turida “Tottenhem” 13-dekabr, yakshanba kuni “Kristal Pelas” bilan o‘ynadi.
Uchrashuvning 23-daqiqasida Harri Keyn Son Hyon Minning uzatmasidan keyin hisobni ochdi. Ikkinchi bo‘limda maydondagi temp biroz tushdi. So‘nggi daqiqalarga borib mezbonlar bosimni oshirdi va bu o‘z samarasini bermay qolmadi.
81-daqiqada Jeffri Shlupp muvozanatni tikladi. Qolgan daqiqalarda Joze Mourinyo shogirdlari bir qator xavfli vaziyatlar sodir etdi. Biroq Visente Guaita seyvlari “Pelas”ni muqarrar gollardan qutqarib qoldi.
Shu tariqa “Shporlar” 25 ochko bilan 1-o‘ringa ko‘tarildi va bitta zaxira o‘yini bor “Liverpul”ni bir ochkoga ortda qoldirmoqda. “Kristal Pelas” (17) esa 11-pog‘onaga ko‘tarildi.
Premyer Liga
12-tur bahslari
13-dekabr, yakshanba
“Kristal Pelas” — “Tottenhem” 1:1
Gollar: 0:1 – 23 Keyn, 1:1 – 81 Shlupp.“Kristal Pelas”: Guaita, Keyxill, Klayn, van Anxolt, Shlupp, Eze (Taunsend, 89), Kuyate, Milivoyevich (Ridevald, 73), Makartur, Zaa, Benteke.
“Tottenhem”: Lyoris, Alderveyreld, Ore, Regilon (Devis, 84), Dayer, Ndombele (Lo Chelso, 67), Sissoko, Bergveyn (Alli, 85), Hyoybyerg, Son Hyon Min, Keyn.
Ogohlantirishlar: Milivoyevich (20), Sissoko (38).
“Sauthempton” — “Sheffild Yunayted” 3:0
Gollar: 1:0 – 34 Adams, 2:0 – 62 Armstrong, 3:0 – 83 Redmond.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)