Futbol bo‘yicha Italiya A Seriyasining 11-turida “Inter” 13-dekabr, yakshanba kuni “Kalyari” mehmoni bo‘ldi.
Uchrashuv mehmonlarning faolligida boshlangan bo‘lsa-da, birinchi bo‘lib hisobni maydon egalari ochdi. 42-daqiqada Rikkardo Sottil “Kalyari”ni oldinga olib chiqdi.
Bunga milanliklar 77-daqiqada Nikolo Barellaning kiritgan to‘pi bilan javob qaytardi. 84-daqiqada zaxiradan maydonga qo‘shilganiga bir daqiqa ham bo‘lmagan Danilo D`Ambrozio mehmonlarning ikkinchi goliga muallif bo‘ldi. Hakam tomonidan qo‘shib berilgan vaqtda Romelu Lukaku yakuniy hisobni o‘rnatdi — 1:3.
Mazkur g‘alabadan keyin Antonio Konte jamoasining ochkolari 24 taga yetdi va “Inter” ikkinchi o‘ringa qaytdi.
A Seriya
11-tur bahsi
13-dekabr, yakshanba
“Kalyari” — “Inter” 1:3
Gollar: 1:0 – 42 Sottil, 1:1 – 77 Barella, 1:2 – 84 D`Ambrozio, 1:3 – 90+4 Lukaku.“Kalyari”: Kranyo, Likoyannis, Karboni (Simeone, 89), Valyukevich, Zappa, Marin, Farago (Klavan, 68), Joao Pedro, Rog, Sottil (Nandes, 68), Pavoletti (Cherri, 75).
“Inter”: Handanovich, Bastoni (Martines, 72), Shkrinyar, de Vrey, Darmian (Yang, 58), Barella, Brozovich, Eriksen (Sensi, 58), Perishich (Hakimi, 46; D`Ambrozio, 83), Sanches, Lukaku.
Ogohlantirishlar: Farago (10), Darmian (16), Pavoletti (71).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)