Футбол бўйича Италия А Сериясининг 11-турида «Женоа» 13 декабрь, якшанба куни «Ювентус»ни қабул қилди.
Учрашув кутилганидек меҳмонларнинг фаоллигида бошланди. Бироқ туринликлар биринчи бўлимда генуяликлар ҳимояда ишончли ҳаракат қилган ҳолда, рақибга деярли имконият бермади.
Иккинчи бўлим дебютида Пауло Дибала жарима майдонига ёриб кирган ҳолда дарвозага аниқ зарба берди ва ҳисобни очди. Бунга майдон эгалари кўп ўтмай жавоб қайтарди: 61-дақиқада Стефано Стураро мувозанатни тиклади.
78-дақиқада Криштиану Роналду пенальтини голга айлантирди. Учрашув якунланиши арафасида меҳмонлар яна пенальти ишлаб олди, 11 метрлик жарима зарбасидан португалиялик футболчи яна муваффақиятли фойдаланди.
Ўзбекистонлик ҳужумчи Элдор Шомуродов учрашувнинг 73-дақиқасида захирадан майдонга тушди.
Шу тариқа «Ювентус» очколарини 23 тага етказиб олган ҳолда 3-ўринга кўтарилди. «Женоа» (6) эса 19-поғонада қолмоқда.
«Женоа» кейинги турда «Милан»га қарши баҳс олиб боради. Ушбу баҳс 16 декабрь кунига мўлжалланган.
А Серия
11-тур баҳси
13 декабрь, якшанба
«Женоа» — «Ювентус» 1:3
Голлар: 0:1 – 57 Дибала, 1:1 – 61 Стураро, 1:2 – 78, пенальти Роналду, 1:3 – 89, пенальти Роналду.«Женоа»: Перин, Масьелло, Гольданига, Бани, Пеллегрини, Ровелла (Пандев, 82), Лерагер, Радованович (Касо, 82), Стураро (Беҳрами, 66), Пьяца (Шомуродов, 73), Скамакка (Дестро, 66).
«Ювентус»: Шенсни, де Лигт (Дрегушин, 90), Бонуччи, Алекс Сандро, Бентанкур, Куадрадо, Рабо (Мората, 67), Маккенни, Кьеза (Бернардески, 84), Роналду, Дибала (Кулусевски, 83).
Огоҳлантиришлар: Рабьо (2), Гольданига (15), Маккенни (77), Бентанкур (83), Перин (88), Бани (90).
Изоҳ (0)