Футбол бўйича Италия А Сериясининг 11-турида «Интер» 13 декабрь, якшанба куни «Кальяри» меҳмони бўлди.
Учрашув меҳмонларнинг фаоллигида бошланган бўлса-да, биринчи бўлиб ҳисобни майдон эгалари очди. 42-дақиқада Риккардо Соттиль «Кальяри»ни олдинга олиб чиқди.
Бунга миланликлар 77-дақиқада Николо Барелланинг киритган тўпи билан жавоб қайтарди. 84-дақиқада захирадан майдонга қўшилганига бир дақиқа ҳам бўлмаган Данило Д`Амброзио меҳмонларнинг иккинчи голига муаллиф бўлди. Ҳакам томонидан қўшиб берилган вақтда Ромелу Лукаку якуний ҳисобни ўрнатди — 1:3.
Мазкур ғалабадан кейин Антонио Конте жамоасининг очколари 24 тага етди ва «Интер» иккинчи ўринга қайтди.
А Серия
11-тур баҳси
13 декабрь, якшанба
«Кальяри» — «Интер» 1:3
Голлар: 1:0 – 42 Соттиль, 1:1 – 77 Барелла, 1:2 – 84 Д`Амброзио, 1:3 – 90+4 Лукаку.«Кальяри»: Кранё, Ликояннис, Карбони (Симеоне, 89), Валюкевич, Заппа, Марин, Фараго (Клаван, 68), Жоао Педро, Рог, Соттиль (Нандес, 68), Паволетти (Черри, 75).
«Интер»: Ҳанданович, Бастони (Мартинес, 72), Шкриньяр, де Врей, Дармиан (Янг, 58), Барелла, Брозович, Эриксен (Сенси, 58), Перишич (Ҳакими, 46; Д`Амброзио, 83), Санчес, Лукаку.
Огоҳлантиришлар: Фараго (10), Дармиан (16), Паволетти (71).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)