FIFA The Best—2020 sovriniga da’vogar murabbiylar va darvozabonlar uchligini ma’lum qildi.
Unga ko‘ra, Marselo Byelsa (Argentina, “Lids”), Hans-Diter Flik (Germaniya, “Bavariya”) va Yurgen Klopp (Germaniya, “Liverpul”) eng yaxshi murabbiy nomi uchun kurash olib boradi.
Byelsa “Lids” bilan Chempionship g‘olibligini qo‘lga kiritib, Premyer Ligaga yo‘l oldi. Klopp esa “qizillar” bilan APLda chempion bo‘ldi. “Bavariya”ni mavsum o‘rtasida qabul qilib olgan Flik myunxenliklar bilan Bundesliga, Germaniya Kubogi, YChL va UEFA Superkubogida zafar quchdi.
Avvalroq FIFA ushbu sovringa da’vogarlar beshlik ro‘yxatini e’lon qilgandi. Final bosqichiga Zinedin Zidan (“Real”) va Xulen Lopetegi (“Sevilya”) chiqa olmagan.
Mavzuga doir: The Best—2020. Yilning eng yaxshi o‘yinchisi nomiga da’vogar uch futbolchi ma’lum bo‘ldi
Shuningdek, yilning eng yaxshi darvozaboni nomiga da’vogarlar ham aniq bo‘ldi. Ular: Manuel Noyer (Germaniya, “Bavariya”), Alisson (Braziliya, “Liverpul”) va Yan Oblak (Sloveniya, “Atletiko”).
Avvalroq ushbu sovrin uchun 6 nafar nomzod ko‘rsatilgandi.
The Best sovrini egasi 17-dekabr kuni e’lon qilinadi. Marosim koronavirus pandemiyasi sabab onlayn tarzda bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)