“Tottenhem” bosh murabbiyi Joze Mourinyo Angliya Premyer Ligasining noyabr oyidagi eng yaxshi murabbiyi deb topildi. Bu haqda liga matbuot xizmati ma’lum qildi.
Portugaliyalik mutaxassis qo‘l ostidagi jamoa noyabr oyida 4 ta o‘yin o‘tkazib, uch g‘alaba va bir durang qayd etdi. Uning jamoa ayni paytda musobaqada peshqadamlik qilmoqda.
Mazkur sovrin uchun shuningdek, quyidagi murabbiylar kurash olib borgandi:
- Frenk Lempard (“Chelsi”) — 2 g‘alaba va bir durang;
- Ole-Gunnar Sulsher (“Manchester Yunayted”) — 3 g‘alaba va bir mag‘lubiyat;
- Devid Moyes (“Vest Hem”) — 3 g‘alaba.
Shuningdek, APLning noyabr oyidagi eng chiroyli gol ham aniqlandi. Unga ko‘ra, “Fulhem” himoyachisi Ola Aynaning “Vest Bromvich” darvozasiga kiritgan to‘pi g‘olib bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)