“Real” bosh murabbiyi Zinedin Zidan La Liga 13-turi doirasida “Atletiko”ga qarshi bahs oldidan o‘z fikrlari bilan o‘rtoqlashdi.
O‘yinning kechishi ko‘plab vaziyatlarga bog‘liq bo‘ladi. Biz Chempionlar Ligasida yaxshi o‘yin o‘tkazdik va “Atletiko”ga qarshi bahs haqida o‘ylashni istaymiz. Bizni yaxshi o‘yin kutmoqda, bu derbi. Biz maydonga chiqishni istaymiz, chunki bizga bunday o‘yinlar yoqadi.“Real” va “Atletiko” o‘rtasidagi uchrashuv Toshkent vaqti bilan 12-dekabrdan 13-dekabrga o‘tar kechasi 01:00 da boshlanadi.La Ligada har bir o‘yinni finalga qiyoslash mumkin. Bu o‘zimizni qanday jamoa ekanimizni namoyish qilish uchun yana bir imkoniyat.
Albatta, “Atletiko” La Liga favoriti hisoblanadi. Ular buni maydonda isbotlamoqda. Ayni damda ular musobaqa jadvalida peshqadam. Bu jamoa har doim raqobatbardosh bo‘lgan. Biz raqib qay darajada jiddiy ekanini bilamiz.
Zinedin Zidan, “Real” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)