Transfermarkt portali Yevropa Chempionlar Ligasi 2020/21-yilgi mavsumi guruh bosqichida eng ko‘p ochko to‘plagan ligalar reytingini tuzib chiqdi.
Unga ko‘ra, Angliya Premyer Ligasi klublari 52 ochko bilan yetakchilik qilmoqda. APLning to‘rt klubi guruh bosqichida 16 marta g‘alabaga erishib, 4 martadan durang va mag‘lubiyat qayd etgan.
Keyingi o‘rinlardan Bundesliga (49) va La Liga (47) o‘rin olgan. Kuchli beshlik ligalari sirasiga kiruvchi Fransiya chempionati esa juda qoniqarsiz natija qayd etgan — 16 ochko. Joriy mavsum uchta klub bilan qatnashgan fransuzlar guruh bosqichida bor-yo‘g‘i besh bor g‘alaba qozongan, shularning to‘rttasi PSJga tegishli.
Shuningdek, UEFA ligalari reytingida 7-o‘rinda borayotgan Rossiya Premyer Ligasi ham so‘nggi yillardagi eng yomon natijasini qayd etgan. Ruslarning uchta klubi guruhda bir marta g‘alabaga erishgan, xolos.
Quyidagi suratda to‘liq reyting bilan tanishing:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)