Ижтимоий тармоқларда Тошкент кўчаларида қоидабузарликларни қайд этувчи кўчма камералар пайдо бўлгани ҳақида хабарлар тарқалди. Тошкент шаҳар транспорт бошқармаси матбуот хизмати пойтахт кўчаларида пайдо бўлган ушбу кўчма камералар нима мақсадда ишлатилаётганини тушунтирди.
Маълум қилинишича, Тошкент кўчаларида йўловчилар ва транспорт воситалари оқимини ўрганишни назарда тутувчи «Тошкент шаҳри транспорт ва йўл-транспорт инфратузилмасининг бош режаси»ни ишлаб чиқиш бўйича ишлар амалга оширилмоқда.
Шу муносабат билан ходимлар томонидан катта чорраҳаларда транспорт воситалари ҳисоби юритилмоқда ҳамда йўловчилар сони аниқланиб борилмоқда. Буни амалга ошириш учун кўчма камералардан фойдаланилмоқда.
Таъкидланишича, мазкур тадқиқот ишларида фойдаланилаётган камералар йўл ҳаракати қоидаларининг бузилиш ҳолатларини аниқлашга мўлжалланмаган.
Тошкент шаҳар транспорт бошқармаси пойтахт кўчаларида ўтказилаётган тадқиқот ишлари тўғрисида интернетда тарқалган нотўғри маълумотларга ишонмасликни сўраган.
Мавзуга доир:
Изоҳ (0)