Toshkent shahrida jamoat transportlaridan foydalanishda 2021-yil yanvar oyidan boshlab naqd pul orqali to‘lov qilish tizimini bekor qilish rejalashtirilmoqda.
“Toshshahartransxizmat” AJ matbuot xizmati xabariga ko‘ra, naqd pul o‘rnini yagona transport kartasi egallaydi.
Shuningdek, qog‘oz shaklidagi oylik yo‘l chiptalari ham bekor qilinadi. Alohida imtiyozga ega shaxslar, talabalar va o‘quvchilar uchun xuddi shu turdagi kartalar joriy etiladi.
Eslatib o‘tamiz, mamlakatda jamoat transporti tariflari uchun avtomatlashtirilgan to‘lov tizimi yanvar oyidan joriy etila boshlandi. Shu maqsadda yerusti transportida va metroda maxsus validatorlar o‘rnatildi. Loyihaning qiymati 12 million dollarga baholangan.
Toshkentda 1-dekabrdan boshlab elektron transport kartasi narxi 15 ming so‘m etib belgilangan.
Izoh (0)