Тошкент шаҳрида жамоат транспортларидан фойдаланишда 2021 йил январь ойидан бошлаб нақд пул орқали тўлов қилиш тизимини бекор қилиш режалаштирилмоқда.
«Тошшаҳартрансхизмат» АЖ матбуот хизмати хабарига кўра, нақд пул ўрнини ягона транспорт картаси эгаллайди.
Шунингдек, қоғоз шаклидаги ойлик йўл чипталари ҳам бекор қилинади. Алоҳида имтиёзга эга шахслар, талабалар ва ўқувчилар учун худди шу турдаги карталар жорий этилади.
Эслатиб ўтамиз, мамлакатда жамоат транспорти тарифлари учун автоматлаштирилган тўлов тизими январь ойидан жорий этила бошланди. Шу мақсадда ерусти транспортида ва метрода махсус валидаторлар ўрнатилди. Лойиҳанинг қиймати 12 миллион долларга баҳоланган.
Тошкентда 1 декабрдан бошлаб электрон транспорт картаси нархи 15 минг сўм этиб белгиланган.
Изоҳ (0)