Tadbirkorlik faoliyatini amalga oshirish uchun yaratib berilayotgan qulay sharoitlar natijasida butun dunyo iqtisodiyotiga koronavirus pandemiyasining salbiy ta’siriga qaramasdan 2020-yilda poyabzal mahsulotlarining eksporti 2 barobarga oshdi.
Prezidentimizning koronavirus pandemiyasining iqtisodiyotga ta’sirini kamaytirish va tadbirkorlik subyektlarini qo‘llab-quvvatlash bo‘yicha qabul qilgan bir qator farmonlari va qarorlari o‘sish ko‘rsatkichlari ta’minlanishining eng asosiy omillaridan biri bo‘ldi.
Ahamiyatlisi qo‘llab-quvvatlash choralari natijasida sohaning eksporti tarkibida yuqori qo‘shilgan qiymatli mahsulotlaring salmog‘ini oshirishga erishildi.
Misol uchun birgina poyabzal mahsulotlarini qaraydigan bo‘lsak, o‘tgan yilning shu davriga nisbatan poyabzal mahsulotlarining eksporti 2 barobarga oshib 28,8 mln juftni tashkil qildi va shu bilan birga uning importi 74 foizga kamayishiga erishildi.
Xususan 2020-yilda eksport qilingan poyabzallar soni o‘tgan yilning shu davriga nisbatan 91 foizga oshdi va poyabzallarning Tojikistonga eksporti 4,5 barobarga, Afg‘onistonga eksporti 4,4 barobarga, Qozog‘istonga eksporti salkam 2,1 barobarga, Turkmanistonga eksporti 1,8 barobarga va Qirg‘izistonga eksporti 1,1 barobarga oshgan.
“O‘zbekistonda tayyorlangan” yorlig‘i ostida tayyorlanuvchi poyabzal mahsulotlarimizning asosiy bozorlari ko‘payib ular qatoriga 2020-yildan AQSh, BAA, Kuvayt, Latviya, Moldova ham qo‘shilib bunday davlatlar soni 12 tani tashkil qildi.
Reklama huquqi asosida.
Izoh (0)