Тадбиркорлик фаолиятини амалга ошириш учун яратиб берилаётган қулай шароитлар натижасида бутун дунё иқтисодиётига коронавирус пандемиясининг салбий таъсирига қарамасдан 2020 йилда пойабзал маҳсулотларининг экспорти 2 баробарга ошди.
Президентимизнинг коронавирус пандемиясининг иқтисодиётга таъсирини камайтириш ва тадбиркорлик субъектларини қўллаб-қувватлаш бўйича қабул қилган бир қатор фармонлари ва қарорлари ўсиш кўрсаткичлари таъминланишининг энг асосий омилларидан бири бўлди.
Аҳамиятлиси қўллаб-қувватлаш чоралари натижасида соҳанинг экспорти таркибида юқори қўшилган қийматли маҳсулотларинг салмоғини оширишга эришилди.
Мисол учун биргина пойабзал маҳсулотларини қарайдиган бўлсак, ўтган йилнинг шу даврига нисбатан пойабзал маҳсулотларининг экспорти 2 баробарга ошиб 28,8 млн жуфтни ташкил қилди ва шу билан бирга унинг импорти 74 фоизга камайишига эришилди.
Хусусан 2020 йилда экспорт қилинган пойабзаллар сони ўтган йилнинг шу даврига нисбатан 91 фоизга ошди ва пойабзалларнинг Тожикистонга экспорти 4,5 баробарга, Афғонистонга экспорти 4,4 баробарга, Қозоғистонга экспорти салкам 2,1 баробарга, Туркманистонга экспорти 1,8 баробарга ва Қирғизистонга экспорти 1,1 баробарга ошган.
«Ўзбекистонда тайёрланган» ёрлиғи остида тайёрланувчи пойабзал маҳсулотларимизнинг асосий бозорлари кўпайиб улар қаторига 2020 йилдан АҚШ, БАА, Кувайт, Латвия, Молдова ҳам қўшилиб бундай давлатлар сони 12 тани ташкил қилди.
Реклама ҳуқуқи асосида.
Изоҳ (0)