“Yuventus” hujumchisi Krishtianu Ronaldu Chempionlar Ligasi doirasida “Barselona”ga qarshi o‘yindagi g‘alabadan keyin (3:0) katalonlar sardori Lionel Messi haqidagi fikrlari bilan o‘rtoqlashdi.
“Biz 12-13 yil davomida turli taqdirlash marosimlarida birga qatnashib kelamiz va men uni hech qachon raqib hisoblamaganman, buni faqat matbuot ilgari surardi.
Biz har doim yaxshi munosabatda bo‘lganmiz. Leodan so‘rasangiz ham shunday javob qaytaradi”, — deydi Ronaldu.
Bu uchrashuvdagi g‘alabadan keyin “Yuventus” guruhda birinchi o‘rinni oldi. Katalonlar esa 2006-yildan beri ilk bor Сhempionlar Ligasida guruhni 2-o‘rinda yakunladi. Mazkur bahsda Ronaldu dublga erishdi.
Eslatib o‘tamiz, Ronaldu va Messi so‘nggi bor 2018-yilning bahoridagi “El-Klasiko”da o‘zaro to‘qnash kelgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)