«Барселона» Чемпионлар Лигаси 6-турида «Ювентус»га қарши баҳс олиб борди. 8 декабрь куни «Камп Ноу»да бўлиб ўтган ўйин каталонларнинг 0:3 ҳисобидаги мағлубияти билан тугади.
Opta маълумотларига кўра, «Барселона» ҳужумчиси Лионель Месси рақиб дарвозаси томон 11 та зарба йўллаган, уларнинг 7 таси аниқ бўлган, бироқ аргентиналик футболчи бирорта ҳам гол ура олмади.
Шу тариқа Месси Чемпионлар Лигаси 2003/04 йилги мавсумидаги антирекордини такрорлади. Ўшанда ҳам Лео рақиб дарвозасига 7 марта аниқ зарба йўллаб, гол ура олмаганди.
Мазкур ўйиндан кейин «Ювентус» гуруҳида биринчи ўринни қўлга киритди. «Барселона» эса 2006 йилдан бери илк бор Чемпионлар Лигаси гуруҳ босқичини иккинчи ўринда якунлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)