Yevropa Chempionlar Ligasining so‘nggi — 6-turi doirasida “Barselona” va “Yuventus” jamoalari o‘zaro bahs yuritdi.
Barselonadagi “Kamp Nou” stadionida bo‘lib o‘tadigan bahs Toshkent vaqti bilan 01:00 da boshlnadi. “Daryo” ushbu sahifa orqali uchrashuvni matnli translyatsiya qilib bordi.
Chempionlar Ligasi
6-tur bahsi
“Barselona” — “Yuventus” 0:3
Gollar: 0:1 - 13, penalti Ronaldu, 0:2 - 20 Makkenni, 0:3 - 52, penalti Ronaldu.“Barselona”: ter Shtegen, Dest, Alba (Firpo, 55), Arauxo (Mingesa, 82), Langle (Umtiti, 55), de Yong, Pyanich, Trinkau (Breytueyt, 46), Pedri (Puch, 66), Grizmann, Messi.
“Yuventus”: Buffon, de Ligt, Danilo, Bonuchchi, Aleks Sandro, Makkenni, Kuadrado (Bernardeski, 85), Artur (Bentankur, 71), Remzi (Rabyo, 71), Morata (Dibala, 85), Ronaldu (Kyeza, 90+2).
Ogohlantirishlar: Alba (27), Remzi (28), Langle (30), Morata (52), Umtiti (60), Danilo (69), Firpo (78).
90+5’. Uchrashuv yakunlandi. Bu g‘alaba orqali “Yuventus” 1-o‘rinni egalladi
90’. Messiiii! Leoning jarima maydoni tashqarisidan yana zarba yo‘lladi, uni Buffon ikkinchi urinishda egallab oldi
84’. Ustunlik to‘liq katalonlar tomoniga o‘tdi, “Yuve” himoyalanmoqda
78’. Messining jarima zarbasidan yo‘llagan zarbasini Buffon osonlik bilan ushlab oldi
75’. Turinliklar raqib darvozasini yana bir bor ishg‘ol etdi, biroq VAR o‘yindan tashqari holat borligini qayd etdi
73’. “Yuventus” darvozasi tomon penalti belgilandi. Biroq bu vaziyatda Grizmann ofsayd holatida ekani ma’lum bo‘ldi
64’. Buffoooon! Janluiji Messining navbatdagi zarbasini bartaraf etdi, qaytgan to‘pni de Ligt maydon tashqarisiga chiqarib yubordi
58’. Xavfli vaziyat! Messining uzatmasidan keyin Grizmanning bergan zarbasi darvoza to‘siniga tegdi
55’. Kumandan o‘zgacha yurish: Langle va Alba o‘rniga Umtiti hamda Firpo tushirildi
52’. GOL! Ronaldu dubl qayd etib, hisobni yirik ko‘rinishga olib keldi
50’. Hakam VAR’ga murojaat qildi, Langle hujum vaqtida qo‘l bilan harakat qilgan deb topildi. Penalti
49’. Remzining aylantirma zarbasini ter Shtegen qiyinchilik bilan qaytarib qoldi
47’. Zarbaaa! Messining yana bir zarbasini Buffon bartaraf etdi
46’. Ikkinchi bo‘lim boshlandi
***
45+3’ Birinchi bo‘lim tugadi
45+2’. VAR bu vaziyatda penalti yo‘qligini qayd etdi
45+1’. Messi jarima maydoni ichidan darvoza tomon zarba berdi, uni Buffon bartaraf etdi. “Barselona” futbolchilari hakamdan penalti talab qildi
44’. “Yuventus” qarshi hujumda: Morataning uzatmasidan keyin to‘pni qabul qilib olgan Remzi noaniq zarba berdi
43’. “Barselona”dan xavfli hujum: Messining zarbasiga himoyachilar to‘g‘onoq bo‘ldi, ikkinchi tempda Destning noaniq uzatmasi hujumning yakunlanishiga sabab bo‘ldi
37’. “Yuventus” o‘z omadini qarshi hujumdan qidirmoqda
36’. Messining navbatdagi zarbasini ham Buffon qiyinchiliksiz egallab oldi, mezbonlar bosimni oshirmoqda
32’. Messi maydon markazida Ronaldu juda mohirlik bilan aldab o‘tdi
30’. So‘nggi daqiqalar qo‘polliklarga boy bo‘ldi: Remzi va Langle tirsak zarbalari uchun ogohlantirildi
25’. Gollardan keyin katalonlar faollikni oshirdi, turinliklar ham bir marta xavfli hujum tashkil qildi
22’. Zarbaaa! Messining uzoq masofadan yo‘llagan zarbasini Buffon qiyinchilik bilan qaytarib qoldi
20’. GOOOOL! Makkenni qanotdan uzatilgan to‘pga chiroyli zarba berib, 2-golni urdi! (video)
13’. GOOOL! Krishtianu 11 metrlik jarima zarbasini aniq ijro etdi (video)
12’. Penalti! Ronaldu jarima maydoniga yorib kirdi, uni Arauxo qo‘pollik bilan to‘xtatib qoldi
11’. Dastlabki o‘n daqiqalik ortda qoldi, hozircha maydonda teng kurash kechmoqda. Turinliklar biroz faolroq ko‘rinmoqda
8’. Ronaldudan ilk urinish: uning zarbasini ter Shtegen ushlab qoldi
3’. Jamoalar bir martadan hujum uyushtirdi, biroq ular xavfli ko‘rinish olmadi
1’. Uchrashuvga start berildi!
***
Uchrashuvdagi havfli vaziyat va gollarni bu yerda kuzatib boring — havola
0’. Jamoalar maydonga chiqib keldi, Chempionlar Ligasi madhiyasi yangradi
0’. Jamoalar chigal yozdi mashqlarini bajarib bo‘ldi
“Barselona” futbolchilari ham arenaga yetib kelgan
🏟 We are here. #BarçaJuve @ChampionsLeague pic.twitter.com/rMu8RyuqA8
— FC Barcelona (@FCBarcelona) December 8, 2020
Krishtianu Ronaldu uzoq tanaffusdan so‘ng “Kamp Nou”ga tashrif buyurdi
ℍ𝕖𝕣𝕖 𝕨𝕖 𝕒𝕣𝕖 ⚪⚫#BarçaJuve #JuveUCL #ForzaJuve pic.twitter.com/XAg4LBHIEK
— JuventusFC (@juventusfc) December 8, 2020
- Murabbiylar asosiy tarkiblarni e’lon qildi. Jamoalar quyidagi sxema bo‘yicha harakat qiladi:
- Bu uchrashuvda guruhda birinchi o‘rinni qaysi jamoa egallashi ma’lum bo‘ladi. Turinliklarga faqat g‘alaba zarur bo‘lsa, katalonlarni durang ham qoniqtiradi. Guruhdagi holat esa quyidagicha:
- Jamoalar uchrashuvga jangovar tarkibda yetib kelgan. Krishtianu Ronaldu va Lionel Messi o‘yinning dastlabki daqiqalaridan maydonga tushishi kutilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)