Европа Чемпионлар Лигасининг сўнгги — 6-тури доирасида «Барселона» ва «Ювентус» жамоалари ўзаро баҳс юритди.
Барселонадаги «Камп Ноу» стадионида бўлиб ўтадиган баҳс Тошкент вақти билан 01:00 да бошлнади. «Дарё» ушбу саҳифа орқали учрашувни матнли трансляция қилиб борди.
Чемпионлар Лигаси
6-тур баҳси
«Барселона» — «Ювентус» 0:3
Голлар: 0:1 - 13, пенальти Роналду, 0:2 - 20 Маккенни, 0:3 - 52, пенальти Роналду.«Барселона»: тер Штеген, Дест, Альба (Фирпо, 55), Араухо (Мингеса, 82), Лангле (Умтити, 55), де Йонг, Пьянич, Тринкау (Брэйтуэйт, 46), Педри (Пуч, 66), Гризманн, Месси.
«Ювентус»: Буффон, де Лигт, Данило, Бонуччи, Алекс Сандро, Маккенни, Куадрадо (Бернардески, 85), Артур (Бентанкур, 71), Рэмзи (Рабьо, 71), Мората (Дибала, 85), Роналду (Кьеза, 90+2).
Огоҳлантиришлар: Альба (27), Рэмзи (28), Лангле (30), Мората (52), Умтити (60), Данило (69), Фирпо (78).
90+5’. Учрашув якунланди. Бу ғалаба орқали «Ювентус» 1-ўринни эгаллади
90’. Мессииии! Леонинг жарима майдони ташқарисидан яна зарба йўллади, уни Буффон иккинчи уринишда эгаллаб олди
84’. Устунлик тўлиқ каталонлар томонига ўтди, «Юве» ҳимояланмоқда
78’. Мессининг жарима зарбасидан йўллаган зарбасини Буффон осонлик билан ушлаб олди
75’. Туринликлар рақиб дарвозасини яна бир бор ишғол этди, бироқ VAR ўйиндан ташқари ҳолат борлигини қайд этди
73’. «Ювентус» дарвозаси томон пенальти белгиланди. Бироқ бу вазиятда Гризманн офсайд ҳолатида экани маълум бўлди
64’. Буффоооон! Жанлуижи Мессининг навбатдаги зарбасини бартараф этди, қайтган тўпни де Лигт майдон ташқарисига чиқариб юборди
58’. Хавфли вазият! Мессининг узатмасидан кейин Гризманнинг берган зарбаси дарвоза тўсинига тегди
55’. Кумандан ўзгача юриш: Лангле ва Альба ўрнига Умтити ҳамда Фирпо туширилди
52’. ГОЛ! Роналду дубль қайд этиб, ҳисобни йирик кўринишга олиб келди
50’. Ҳакам VAR’га мурожаат қилди, Лангле ҳужум вақтида қўл билан ҳаракат қилган деб топилди. Пенальти
49’. Рэмзининг айлантирма зарбасини тер Штеген қийинчилик билан қайтариб қолди
47’. Зарбааа! Мессининг яна бир зарбасини Буффон бартараф этди
46’. Иккинчи бўлим бошланди
***
45+3’ Биринчи бўлим тугади
45+2’. VAR бу вазиятда пенальти йўқлигини қайд этди
45+1’. Месси жарима майдони ичидан дарвоза томон зарба берди, уни Буффон бартараф этди. «Барселона» футболчилари ҳакамдан пенальти талаб қилди
44’. «Ювентус» қарши ҳужумда: Моратанинг узатмасидан кейин тўпни қабул қилиб олган Рэмзи ноаниқ зарба берди
43’. «Барселона»дан хавфли ҳужум: Мессининг зарбасига ҳимоячилар тўғоноқ бўлди, иккинчи темпда Дестнинг ноаниқ узатмаси ҳужумнинг якунланишига сабаб бўлди
37’. «Ювентус» ўз омадини қарши ҳужумдан қидирмоқда
36’. Мессининг навбатдаги зарбасини ҳам Буффон қийинчиликсиз эгаллаб олди, мезбонлар босимни оширмоқда
32’. Месси майдон марказида Роналду жуда моҳирлик билан алдаб ўтди
30’. Сўнгги дақиқалар қўполликларга бой бўлди: Рэмзи ва Лангле тирсак зарбалари учун огоҳлантирилди
25’. Голлардан кейин каталонлар фаолликни оширди, туринликлар ҳам бир марта хавфли ҳужум ташкил қилди
22’. Зарбааа! Мессининг узоқ масофадан йўллаган зарбасини Буффон қийинчилик билан қайтариб қолди
20’. ГООООЛ! Маккенни қанотдан узатилган тўпга чиройли зарба бериб, 2-голни урди! (видео)
13’. ГОООЛ! Криштиану 11 метрлик жарима зарбасини аниқ ижро этди (видео)
12’. Пенальти! Роналду жарима майдонига ёриб кирди, уни Араухо қўполлик билан тўхтатиб қолди
11’. Дастлабки ўн дақиқалик ортда қолди, ҳозирча майдонда тенг кураш кечмоқда. Туринликлар бироз фаолроқ кўринмоқда
8’. Роналдудан илк уриниш: унинг зарбасини тер Штеген ушлаб қолди
3’. Жамоалар бир мартадан ҳужум уюштирди, бироқ улар хавфли кўриниш олмади
1’. Учрашувга старт берилди!
***
Учрашувдаги ҳавфли вазият ва голларни бу ерда кузатиб боринг — ҳавола
0’. Жамоалар майдонга чиқиб келди, Чемпионлар Лигаси мадҳияси янгради
0’. Жамоалар чигал ёзди машқларини бажариб бўлди
«Барселона» футболчилари ҳам аренага етиб келган
🏟 We are here. #BarçaJuve @ChampionsLeague pic.twitter.com/rMu8RyuqA8
— FC Barcelona (@FCBarcelona) December 8, 2020
Криштиану Роналду узоқ танаффусдан сўнг «Камп Ноу»га ташриф буюрди
ℍ𝕖𝕣𝕖 𝕨𝕖 𝕒𝕣𝕖 ⚪⚫#BarçaJuve #JuveUCL #ForzaJuve pic.twitter.com/XAg4LBHIEK
— JuventusFC (@juventusfc) December 8, 2020
- Мураббийлар асосий таркибларни эълон қилди. Жамоалар қуйидаги схема бўйича ҳаракат қилади:
- Бу учрашувда гуруҳда биринчи ўринни қайси жамоа эгаллаши маълум бўлади. Туринликларга фақат ғалаба зарур бўлса, каталонларни дуранг ҳам қониқтиради. Гуруҳдаги ҳолат эса қуйидагича:
- Жамоалар учрашувга жанговар таркибда етиб келган. Криштиану Роналду ва Лионель Месси ўйиннинг дастлабки дақиқаларидан майдонга тушиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)