Футбол бўйича Англия Премьер Лига 11-турида «Тоттенҳэм» 6 декабрь, якшанба куни «Арсенал»ни қабул қилди.
Учрашувнинг 13-дақиқасида Ҳарри Кейннинг узатмасидан кейин Сон Ҳён Мин жарима майдонига яқинлашиб борди ва чиройли зарба йўллаган ҳолда ҳисобни очди. Шундан кейин меҳмонлар фаолликни оширди, Жозе Моуриньо шогирдлари эса асосан қарши ҳужумга эътибор қаратди.
Биринчи бўлим якунланиши арафасида энди Сон Ҳён Мин Кейнни узатма билан таъминлади ва англиялик ҳужумчи имкониятини кўкка совурмади. Иккинчи бўлимда «шпорлар» эътиборни тўлиқ ҳимояга қаратди. Бироқ Микель Артета шогирдлари «Тоттенҳэм» ҳимоясини ёриб ўта олмади.
Ушбу ғалабадан кейин «Тоттенҳэм» очколарини 24 тага етказиб олган ҳолда 1-ўринга қайтди. «Арсенал» (13) 15-поғонада қолмоқда.
Шунингдек, кун доирасида ўтказилган ўйинларда «Лестер» сўнгги дақиқадаги гол эвазига «Шеффилд Юнайтед»ни мағлубиятга учратди ва 21 очко билан 3-ўринга кўтарилди. «Кристал Пэлас» эса «Вест Бромвич»ни 5:1 ҳисобида таслим этди.
АПЛ
11-тур баҳслари
6 декабрь, якшанба
«Тоттенҳэм» — «Арсенал» 2:0
Голлар: 1:0 – 13 Сон Ҳён Мин, 2:0 – 45+1 Кейн.«Тоттенҳэм»: Льорис, Алдервейрелд, Регилон, Орье, Дайер, Ҳёйбьерг, Сиссоко, Бергвейн (Родон, 90), Ло Чельсо (Дэвис, 72), Сон Ҳён Мин (Лукас Моура, 88), Кейн.
«Арсенал»: Лено, Габриэль, Ҳолдинг, Тирни, Бельерин (Нкетиа, 75), Сака, Парти (Себальос, 45), Жака, Виллиан, Обамеянг, Ляказетт.
Огоҳлантиришлар: Ло Чельсо (41), Жака (75), Ляказетт (80).
«Шеффилд Юнайтед» — «Лестер» 1:2
Голлар: 0:1 – 24 Перес, 1:1 – 26 Макберни, 1:2 – 90 Варди.«Вест Бромвич» — «Кристал Пэлас» 1:5
Голлар: 0:1 – 8, автогол Ферлонг, 1:1 – 30 Галлахер, 1:2 – 55 Заа, 1:3 – 59 Бентеке, 1:4 – 68 Заа, 1:5 – 82 Бентеке.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)