Amerikaning Omaze kompaniyasi Tesla elektromotori o‘rnatilgan 1966-yilgi Volkswagen Type 2 mikroavtobusini noodatiy lotereya doirasida o‘ynamoqda. G‘olibga qo‘shimcha sifatida 20 ming dollar beriladi, shuningdek, u avtomobil solig‘ini to‘lashdan ozod etiladi, deb xabar beradi Motor.
54 yillik mikroavtobus Zelectrid kompaniyasi tomonidan modifikatsiya qilingan. Noodatiy loyihaning asosini 1966-yilda ishlab chiqarilgan Volkswagen Type tashkil etgan bo‘lib, klassik to‘rt silindrli dvigatel o‘rniga 100 ot kuchi va sig‘imi 32 kilovatt-soatga teng Tesla elektromotori o‘rnatilgan. Agregat furgonga bir marta quvvatlanish orqali 136 kilometr harakatlanish imkonini beradi, maksimal tezligi 160 km/soat.
Akkumulyator quvvatini 240 voltli tarmoq yordamida 100 foizga besh soatdan kamroq vaqt davomida quvvatlantirish mumkin. Shuningdek, jamlanmadan elektr energiyasini quvvatlantirish stansiyasidan to‘ldirishga yordam beradigan maxsus o‘tkazgich ham o‘rin olgan. Bundan tashqari, furgon batareyalarni tormozlanish vaqtida quvvatlantirishga yordam beradigan rekuperatsiya tizimi bilan ham jihozlangan.
Tashqi ko‘rinishi bilan mikroavtobus afsonaviy model dizaynini takrorlaydi. Faqatgina unga yorug‘lik diodli optika va tom qismiga yog‘och yukxona o‘rnatilgan. Furgon oq-yashil rangga bo‘yalgan. Mikroavtobusda gidrokuchaytirgich rul, old tormoz diskalari, shuningdek, zamonaviy audiotizim, orqani ko‘rishga mo‘ljallangan kamera va yo‘lovchilar uchun USB-portlar o‘rin olgan.
Lotereyada bepul va xayriya asosida qatnashish mumkin. Buning uchun kompaniya sayti orqali ro‘yxatdan o‘tib, istalgan summani xayriya qilish lozim. Xayriya amalga oshirilgan taqdirda g‘alaba erishish imkoniyati kuchayadi. Elektrofurgon bilan uning yangi egasi 20 ming dollar mukofot ham beradi.
Mavzuga doir: AQShda Chevrolet pikapi bazasida yaratilgan yo‘ltanlamas limuzin sotuvga qo‘yildi (foto)
Izoh (0)