Буюк Британияда йиғилиб қолган стрессларга қарши курашишнинг ноодатий усули таклиф этилди. Деструктив терапия сифатида исталган одам автомобиль чиқиндихонасига бориб, ов милтиғи ёки ҳақиқий жанговор танк ёрдамида бу ердаги пачоқ автомобиллардан бирини яксон қилиши мумкин, деб хабар беради Motor.
Деструктив терапияда сўнгги бир неча йиллардан буён мегаполислар аҳолиси орасида стрессга қарши кураш сифатида оммалашмоқда. Кўплаб давлатларда исталган одам ташриф буюриши ва махсус бирор нимани бузиб, ўзининг йиғилиб қолган ғазабини чиқариб юбориши мумкин бўлган масканлар қурилган. У ерда нафақат интерьердаги бирор предметни, балки бутун квартираларни ҳам яксон қилса бўлади — барчаси мижознинг талабига кўра.
Британияликлар эса стрессга қарши терапия сифатида кераксиз автомобилларни йўқ қилишдан фойдаланмоқда. Иштирокчиларга қурол сифатида ҳақиқий ўқотар милтиқдан ўзига ёққан автомобилга отиш таклиф этилади.
Дастурнинг иккинчи қисмида компания мижозлари 56 тоннали танкдан фойдаланиши мумкин. Ҳарбий машина ёрдамида бир нечта автомобилларни босиб ўтиб кетиш, бу ҳам камлик қилса, унинг ёрдамида машиналарга қарата ўт очиш мумкин.
Изоҳ (0)