Qozog‘iston Qonunchilik palatasi haydovchilik guvohnomasi va transport vositasi bilan bog‘liq bo‘lgan hujjatlari yo‘qligi uchun ma’muriy javobgarlikning bekor qilinishi to‘g‘risidagi qonunni qabul qildi, deya xabar qilmoqda Tengrinews.
Qayd etilishicha, haydovchilar avtomobil haydash uchun haydovchilik guvohnomasi olgan bo‘lishi kerak. Kerak bo‘lganda, ushbu hujjatlar ichki ishlar ma’lumotlar bazasida tekshiriladi. Bunda haydovchining yonida shaxsini tasdiqlovchi biron-bir hujjat bo‘lishi kerak.
Yangi tartib avtomobilni boshqarish huquqidan mahrum qilingan, Qozog‘iston fuqarosi bo‘lmagan shaxslar uchun taalluqli emas.
Ma’lum qilinishicha, bunday qonunni qabul qilishga ko‘rsatilgan huquqbuzarlik uchun ma’muriy javobgarlikka tortilayotganlar sonining oshib borishi sabab bo‘ldi. Masalan, 2020-yilning o‘n oyida mamlakatda 150 ming haydovchi avtotransport vositasi bilan bog‘liq bo‘lgan hujjatlar yonida yo‘qligi sababli ma’muriy javobgarlikka tortilgan.
Avvalroq Qozog‘istonning birinchi prezidenti poytaxtning Turkistonga ko‘chirilishini rad etgani, Qozog‘iston O‘zbekistondan pomidor import qilishni vaqtincha cheklashi mumkinligi hamda Qozog‘iston kompaniyalari Toshkentda bir qator loyihalarni amalga oshirish niyatida ekani xabar qilingandi.
Izoh (0)