Bugun,

  • USD 11095.31
  • RUB 173.84
  • EUR 10772.44

Toshkent hokimi Jahongir Ortiqxo‘jayev 24-noyabr kuni qozog‘istonlik bir guruh tadbirkorlar bilan uchrashdi, deb xabar beradi hokimlik matbuot xizmati. Ular sanoat, qurilish, tibbiyot, landshaft dizayn va turizm sohasidagi investitsion loyihalarni amalga oshirishni muhokama qilgan.

Foto: Toshkent shahar hokimligi

Foto: Toshkent shahar hokimligi

Xususan, Galanz Bottlers kompaniyasi O‘zbekistonda salqin ichimliklar ishlar chiqaradigan zavod qurishni rejalashtirmoqda. Korxona “Maxi chay” sovuq choyi, Funky, “Sok Beryoza” limonadlarini, Laimon Fresh gazlangan ichimligini, “Pervokvas” kvasi, Sevens suvi kabi ichimliklarni ishlab chiqaradi.

“Kompaniyamiz Qozog‘istonda 22 yildan buyon ichimliklar bilan shug‘ullanib keladi. Biz ichimlik ishlab chiqaruvchi eng yirik uchta kompaniya qatoriga kiramiz. Hamkorlarimiz bilan bu yerda ice tea (sovuq choy, shuningdek, gazlangan ichimlik va suvlar ishlab chiqaradigan zavod qurmoqchimiz”, — deydi kompaniya vakili.

Foto: Toshkent shahar hokimligi

Foto: Toshkent shahar hokimligi

Bundan tashqari, Galanz Bottlers O‘zbekistondan Qozog‘istonga kolbasa, makaron, konserva va qandolatchilik mahsulotlarini eksport qilish niyatida.

Qozog‘istondagi eng yirik tozalash kompaniyalaridan biri bo‘lgan IC Group esa o‘z ishini autsorsing asosida qurib, shaharni obodonlashtirishda o‘zining texnologik yechimlarini taklif qildi. Kompaniya Qozog‘istondagi korporativ, savdo va ko‘ngilochar markazlar, banklar, yirik savdo tarmoqlarining 27 foiz ulushiga egalik qiladi va 18,8 million dollar kapitalizatsiyaga ega. Toshkent hokimi poytaxt tumanlaridan birida hamkorlikdagi ilk loyihani amalga oshirishga tayyorligini bildirgan.

Foto: Toshkent shahar hokimligi

Foto: Toshkent shahar hokimligi

TOO Timus Development direktori Timus Nurtayev jamoat transportlarida bepul Wi-Fi joriy etish va turizm va tibbiyotda IT-loyihalarni amalga oshirish xizmatini taklif qildi.

Foto: Toshkent shahar hokimligi

Foto: Toshkent shahar hokimligi

“Yana bir biznes bor — bu tibbiy axborot tizimlar. Bu bir vaqtning o‘zida uchta quyonni otish imkonini beradigan IT-dastur. Sog‘liqni saqlash tizimi uchun aholining elektron pasportini shakllantirish, statistika va tahlillarni qo‘lga kiritish mumkin bo‘ladi. Iste’molchi uchun masofadan turib shifokor qabuliga yozilish, eng yaqin klinika va kerakli shifokor qayerda joylashganini bilish, kerakli dori vositalari qayerda ekanligini bilish qiziq bo‘ladi. Shifokorlarning shaxsiy kabinetiga ega bo‘lib, u yerda davolash protokollari, jumladan, COVID-19 haqida yozilgan bo‘ladi”, — deydi u.

Avvalroq Qozog‘istonning Magnum Cash&Carry savdo tarmog‘i boshlig‘i Azamat Osmanov O‘zbekiston bozoriga kirish niyatida ekanligini ma’lum qilgani to‘g‘risida xabar berilgandi.

Izoh
Asosiy yangiliklar
Mahalliy
O‘zbekistonda 2-dekabr kuni 156 kishida koronavirus aniqlandi
Mahalliy
Janubiy Koreya mamlakatda ishlash niyatidagi o‘zbekistonliklar uchun kvotalar sonini oshiradi
Dunyo
“Hind Chernobili” — Pxobaldagi texnogen halokat, Eron oliy rahbariga aylangan Homanaiy va Sovuq urushga yakun yasagan Yelsin—Bush. Kun xronologiyasida 3-dekabr