Rossiya prezidenti Vladimir Putin bosh vazir o‘rinbosari Tatyana Golikovaga kelasi hafta koronavirusga qarshi keng ko‘lamli emlashni boshlashni buyurdi. Bu haqda “RIA Novosti”ga tayanib, Meduza xabar berdi.
Qayd etilishicha, Putin Golikova va hukumat rahbari Mixail Mishutsin bilan COVID-19’ga qarshi preparatlar ishlab chiqarish masalasini muhokama qilgan.
“Bilaman, bizda ikki milliondan ortiq doza vaksina ishlab chiqarilgan yoki yaqin bir necha kunda ishlab chiqariladi. Dunyoda birinchi bo‘lib ro‘yxatdan o‘tkazilgan koronavirusga qarshi ‘Sputnik V’ vaksinasi ham shu darajaga yetkaziladi”, — degan Putin.
Путин попросил начать массовую вакцинацию от коронавируса в России в конце следующей недели. Голикова осторожно предложила сначала доложить о готовности, но нет. "Давайте вы не доложите, а начнете". pic.twitter.com/ZUnyVEWCOO
— Кремлевский пул РИА (@Kremlinpool_RIA) December 2, 2020
Vaksinatsiya shifokorlar va o‘qituvchilardan boshlanadi va u ixtiyoriy hamda bepul bo‘ladi.
Rossiyada ikkita vaksina ro‘yxatdan o‘tkazilgan: Gamaleya markazi tomonidan ishlab chiqilgan “Sputnik V” va Novosibirskning “Vektor” markazi tomonidan yaratilgan “EpiVakKorona”. Har ikkala preparat uchinchi sinov bosqishida va u hali davom etmoqda. “Sputnik V” ishlab chiqaruvchilar uning 95 foiz samadorligini ma’lum qilgan.
Izoh (0)