Xarkov viloyatida bir kechaning o‘zida uchta avtomobilni minib qochgan 14 yoshli o‘smir avariyaga uchradi. Voyaga yetmagan yigitchaning so‘zlariga ko‘ra, u mashina haydashni o‘rganmoqchi bo‘lgan, deb xabar beradi Motor.
Avvaliga xarkovlik 14 yoshli yigit “Buxanka”ni minib qochgan. O‘smir boshqaruvni eplay olmagan va xususiy uylardan birining panjarasiga borib urilgan. Shundan so‘ng u avtoturargohdagi “VAZ-2121”ni minib qochishga muvaffaq bo‘lgan, biroq ko‘p o‘tmay uni daraxtga borib urgan. Uchinchi safar minib qochilgan avtomobil — Volkswagen Transporter. Biroq bu safar ham maktab o‘quvchisiga yashil maydonlar xalaqit bergan.
14 yoshli o‘smir qanday qilib uchala avtomobilni ham o‘t oldirgani ma’lum emas. Yigitchaning so‘zlariga ko‘ra, u doim mashina haydashni o‘rganishni istagan, ammo hech qachon imkoniyati bo‘lmagan. Shu sababli u jinoyat sodir etishga qaror qilgan. Ayni vaqtda politsiya xodimlari o‘smirni qo‘lga olgan bo‘lib, u besh yilgacha ozodlikdan mahrum etilishi mumkin.
Eslatib o‘tamiz, oktabr o‘rtalarida Amerikaning Luiziana shtatida 11 yashar bola maktab avtobusini olib qochgan edi.
Izoh (0)