Germaniyaning Trir shahrida avtomobil piyodalar ustiga yurib ketishi natijasida 4 kishi halok bo‘ldi

Germaniya g‘arbidagi Trir shahrida avtomobil haydovchisi mashinani piyodalar ustiga haydab bordi. Bu haqda Meduza xabar berdi.

Politsiya tomonidan ma’lum qilinishicha, hodisa oqibatida to‘rt kishi, jumladan bir nafar bola halok bo‘lgan.

Avtomobil haydovchisi qo‘lga olingan. Uning harakati qasddan amalga oshirilgan yoki tasodif ekanligi hozircha ma’lum emas.

Eslatib o‘tamiz, Germaniya poytaxti Berlin shahrida 25-noyabr kuni ertalab mamlakat kansleri Angela Merkelning ofisi darvozasiga avtomobil kelib urilgandi, uning haydovchisi qo‘lga olingandi. Keyinroq erkakni hibsda ushlab turish yoki ruhiy kasalliklar klinikasiga jo‘natish uchun asos mavjud emasligi sababli politsiya uni qo‘yib yuborgandi.