Россиялик сиёсатчи Алексей Навальний унинг 27 ноябрь куни «Эхо Москви» эфирида айтган гапларида экстремизмга даъват бор-йўқлигини аниқлаш мақсадида текширув ўтказилаётгани маълум бўлганидан кейин Instagram орқали Владимир Путинга мурожаат қилди. Қуйида Meduza унинг сўзларини келтирди:
Ушбу постим қоғозга чиқариб олиб келинадиган ҳурматли Владимир Путин, таҳдидларингизга тупурдим. Пул тўла сандиғингизни қўриқлайдиган, сиз аллақачон виждонсиз малайга айлантирган терговчиларингиз ва судларингизга ҳам. Мен ўз сўзларимдан тонмайман, экстремизм эса, бу:Навальнийнинг радио эфирдаги чиқиши терговчилар томонидан текширилаётгани ҳақда 1 декабрь куни «ТАСС» ва «Интерфакс» хабар берган. Эфирда Навальний пандемия даврида фуқароларни қўллаб-қувватлаш тўғрисидаги «Россия учун беш қадам» («Пят шагов для России») дастури ҳақида гапирган. Сиёсатчи конституциявий тузумни зўравонлик билан ағдаришга чақирганликда гумон қилинган. Бироқ айнан қайси гаплари шундай гумон уйғотганига аниқлик киритилмаган.
- бир киши 20 йилдан ортиқ ҳокимиятда ўтириб, унда қолиш учун сайловларни сохталаштириши;
- унинг барча дўстлари, қариндошлари, ҳамкасблари негадир миллиардерга айланиб кетиши;
- мамлакат аҳолисини чорак қисми камбағаллик ёқасида эканлиги;
- соғлиқни сақлаш вайронага айланиб, одамлар шифохона коридорларида вафот этиши.
«Ўз бункерида ўтирган Путин» унинг «Новичок» гуруҳига кирувчи модда билан заҳарланганидан сўнг реабилитация курсини ўтаётган Навальний Германиядан Россияга қайтишини хоҳламагани учун текширув ўтказилганини таъкидлаган.
«Эхо Москви»нинг бош муҳаррири Алексей Венедиктов ҳам у Россияга қайтмаслиги учун қўрқитишга қарор қилишган деб ҳисобламоқда. У Навальнийнинг сўзларида экстремизмга чақириқ кўрмаган. Шунингдек, текширув юзасидан радиостанцияга сўнгги кунларда ҳеч ким мурожаат қилмаганини маълум қилган.
Россия Тергов қўмитаси эса бундай текширув ўтказилаётганини рад этган.
Изоҳ (0)