O‘zbekistondagi osh markazlarida noyabr oyida palov necha puldan sotilgani ma’lum qilindi

Davlat statistika qo‘mitasi O‘zbekiston viloyat markaziy hududlari kesimida tayyor palovning o‘rtacha narxlari to‘g‘risida ma’lumot berdi.

Qo‘mita noyabr oyida mamlakatning markaziy hududlaridagi umumiy ovqatlanish muassasalari (osh markazlari)da kuzatuv o‘tkazdi va uning natijalari bo‘yicha palovning o‘rtacha narxlari quyidagi ko‘rinishga ega bo‘ldi:

Ro‘yxatdan ko‘rinishicha, eng qimmat osh Buxoroda sotilgan bo‘lib, bir porsiyasi 18 664 so‘m bo‘lgan. Eng arzon osh esa Qoraqalpog‘iston Respublikasi va Namangan viloyatida, bir portsiyasi 14 000 so‘mdan sotilgan. Poytaxtda palov narxi 18 800 so‘mni tashkil etgan.

Qayd etilishicha, narxlarni ro‘yxatga oluvchi tomonidan kuzatuv o‘tkazilgan kun va vaqtdagi narx-navo qayd etilib, bunda vaqt va joyiga qarab narxlar o‘zgarib turadi.

Mazkur ma’lumotlarning shakllanishi jarayonida faqatgina tanlab olingan umumiy ovqatlanish muassasalari (osh markazlari)dagi palovning o‘rtacha narxlari hisobga olingan bo‘lib, restoran va choyxonalardagi narxlar inobatga olinmagan.