Yiliga 500 ming tonna prokat ishlab chiqarish quvvatiga ega Toshkent metallurgiya zavodini 4-dekabr kuni ochish rejalashtirilmoqda. Bu haqda Rossiyaning “Metprom” muhandislik-qurilish guruhi prezidenti Andrey Deynekoga tayanib “TASS” xabar berdi.
“4-dekabr kuni Rossiya—O‘zbekiston davlat ko‘magi yordamida ‘Metprom’ guruhi tomonidan qurilgan Toshkent metallurgiya zavodida ishlab chiqarish boshlanadi”, — deydi Deyneko.
Rossiya eksport markazi tarkibiga kiruvchi “Roseksimbank” loyihaning 50 foizini moliyalashtirgan. Shuningdek, loyihada O‘zbekiston tomonidan xususiy investor (25 foizi) hamda Tiklanish va taraqqiyot jamg‘armasi ham ishtirok etgan.
Deynekoning ta’kidlashicha, loyihani moliyalashtirishdan tashqari Rossiya “kontenti” ham bo‘lib, uni 90 million evroga baholash mumkin. Gap Rossiya tomonidan buyurtma qilingan loyihalashtirish va muhandislik ishlari haqida, balki qurilmalar, metall konsturksiyalarni yetkazib berish va o‘qitish haqida ketmoqda.
“Toshkentdagi qurilish orqali 30 ga yaqin ishlab chiqaruvchi va mingga yaqin odam ish bilan ta’minlandi”, — deydi Deyneko.
Eslatib o‘tamiz, Toshkent metallurgiya zavodi 2019-yilning dekabr oyida sovuq chigirish (xolodniy prokat) yo‘li bilan birinchi partiya metall mahsulotni ishlab chiqarishi to‘g‘risida xabar berilgandi.
Izoh (0)