Давлат статистика қўмитаси Ўзбекистон вилоят марказий ҳудудлари кесимида тайёр паловнинг ўртача нархлари тўғрисида маълумот берди.
Қўмита ноябрь ойида мамлакатнинг марказий ҳудудларидаги умумий овқатланиш муассасалари (ош марказлари)да кузатув ўтказди ва унинг натижалари бўйича паловнинг ўртача нархлари қуйидаги кўринишга эга бўлди:
Рўйхатдан кўринишича, энг қиммат ош Бухорода сотилган бўлиб, бир порцияси 18 664 сўм бўлган. Энг арзон ош эса Қорақалпоғистон Республикаси ва Наманган вилоятида, бир порцияси 14 000 сўмдан сотилган. Пойтахтда палов нархи 18 800 сўмни ташкил этган.
Қайд этилишича, нархларни рўйхатга олувчи томонидан кузатув ўтказилган кун ва вақтдаги нарх-наво қайд этилиб, бунда вақт ва жойига қараб нархлар ўзгариб туради.
Мазкур маълумотларнинг шаклланиши жараёнида фақатгина танлаб олинган умумий овқатланиш муассасалари (ош марказлари)даги паловнинг ўртача нархлари ҳисобга олинган бўлиб, ресторан ва чойхоналардаги нархлар инобатга олинмаган.
Изоҳ (0)